2022 jyly sáýirdiń 29-30 kúnderi Almaty qalasynda erekshe balalar shyǵarmashylyq kórmesi ótkiziledi.
Almaty qalasy áleýmettik ál-aýqat basqarmasynyń qoldaýymen, «Almaty International Rotary Club» QB uıymdastyrǵan kórmege «Aıala» áleýmettik qyzmet ortalyǵy» KMM-niń erekshe balalary qatysady, dep habarlaıdy Almaty-akshamy.kz
Almaty qalasynyń «Aıala» áleýmettik qyzmet ortalyǵy» KMM 1 jastan 18 jasqa deıin 200-den astam múmkindigi shekteýli balalarǵa jáne 18 jas asqan psıhonevrologıalyq aýrýlary bar múgedektigi bar jandarǵa arnaýly áleýmettik qyzmet kórsetedi. Ortalyqtyń qyzmet alýshylary fızıoterapıalyq qoldaýmen qatar, oqý sabaqtaryna qatysady, sýret salady, músindeıdi, shyǵarmashylyqpen aınalysady, bir-birimen qarym-qatynas jasaıdy.
Kórmeniń maqsaty — múmkindigi shekteýli balalardyń tamasha shyǵarmashylyq jumystaryn kórmede usyný, qalypty jaǵdaıdaǵy balalarmen jáne erekshe qajettilikteri bar balalar birlesken ınteraktıvti is-áreket oryndalyp qarym-qatynas jasaýǵa múmkindik berý. Óıtkeni, belsendi ómir ınklúzıvti qoǵamnyń barlyq múshelerine birdeı qajet.
Biz qoǵamdy erekshe qajettilikteri bar balalarǵa qaraı burǵymyz keledi, durys qabyldaý jáne qarym-qatynas jasaýdy úırengimiz keledi, psıhologıalyq shekaralardy joıǵymyz keledi. Qańtar oqıǵasynan keıin adamdarǵa ómirdiń basqa jaǵyn kórsetkimiz keledi, ashyq jáne meıirimdi bolýǵa úıretip, erekshe qajettilikteri bar balalardyń álemdi ádemi kózqarasy men qabyldaýyna qol jetkizýge múmkindik berýge yntamyz bar.
Biz bul sharany barlyq kelýshiler úshin qyzyqty etkimiz kelgendikten, kórme aıasynda kelesi ınteraktıvti is-sharalar ótkiziledi:
- Son Sergeıdiń «Ýlybka» qýyrshaq teatry
27 jasynda Sergeı Son aýyr omyrtqa jaraqatyn aldy, biraq soǵan qaramastan, ol balalar úıleri men shirkeýlerde balalarǵa arnalǵan qýyrshaqtar, sahnalyq qoıylymdar jasaýdy jalǵastyrýda.
Teatr repertýarynda orys halqynyń belgili ertegileriniń «Baýyrsaq», «Úsh toraı», «Shortannyń tapsyrysy boıynsha» birneshe nusqalary bar.
- Kım Marınanyń mastıka qoldan somdaý sheberlik-synyptary
Marına Kımniń múgedektigi bar estý qabileti nashar - sheber. Ol tańǵajaıyp, elestetetip oryndalǵan týyndylar jasaıdy. Mastıkamen jumys jasaı otyryp, balalar usaq motorıkany damytady, bul sóıleýdi damytýǵa, qozǵalystardy úılestirýge, este saqtaý men logıkalyq oılaýǵa tikeleı áser etedi.
- Qoldan somdaý men sýret salý shyǵarmashylyq alańdary
Kelýshiler shyǵarmashylyq kórme alańynda «Aıala» áleýmettik qyzmet ortalyǵynyń balalarymen birge qatysa alady, onda boıaýǵa arnalǵan gıpsten jasalǵan músinsheler, sondaı-aq modeldeý men sýret salýǵa arnalǵan ártúrli materıaldar usynylady.
- Mýzykalyq nómirler
Konserttik baǵdarlamaǵa ortalyqtyń qyzmet alýshylar jáne Almaty qalasynyń shyǵarmashylyq ujymdary qatysady.
- Avtor Lı Ekaterına ózindik ınklúzıa týraly kitabyn oqıdy.
Ekaterına Lı - «Sanaly urpaq» jobasynyń bastamashysy, «Elına ınklúzıany biledi» kitabynyń avtory. Bul kitabta keıipker múgedekter arbasymen júrip-turatyn myqty jáne aqyldy qyz týraly aıtylǵan erekshe qajettilikteri bar balalar týraly áńgimeleıdi.
Kitapty oqyǵannan keıin avtor qyzyqty jáne paıdaly syılyqtarmen vıktorına ótkizedi.
- Anımatorlyq ınteraktıv áreketteri
Múltfılmder men komıksterdiń súıikti keıipkerleri balalarmen shaǵyn oıyndar oınaıdy, sonymen qatar bet boıaýy men sharlardan fıgýralar (tvıstıng) syılaıdy.
Barlyq ınteraktıvti sharalar kórmeniń barlyq kúnderinde qatar júrgiziledi.
Uıymdastyrýshy kórme aıasynda mektepter men balabaqshalarǵa «Elına ınklúzıany biledi» atty 50 kitapty syıǵa tartýdy josparlaıdy.
Sizderdi 2022 jyldyń 29 sáýiri men 30 sáýiri aralyǵynda kún saıyn saǵat 11:00-18:00 aralyǵynda Almaty qalasy, Abaı dańǵyly, 44, atyndaǵy sporttyq-mádenı keshen mekenjaıy boıynsha kórmede kútemiz. Balýan Sholaq (Abaıdan kireberis).
Kirýi tegin.
Bizdiń qoldaýshylar: Almaty qalasy ákimshiligi, Almaty qalasynyń áleýmettik ál-aýqat basqarmasy, máslıhat depýtattary, qala kásipkerleri, «Namson Family» art-stýdıasy, «VR PRODUCTION» prodússerlik ortalyǵy.
Kórmege kelip, qoldaý kórsetýlerińizdi suraımyz jáne barlyq múddeli uıymdar men BAQ ókilderin kez kelgen demeýshilik jáne aqparattyq qoldaý kórsetýge shaqyramyz.
Yntymaqtastyq jáne qosymsha aqparat úshin baılanysshy:
+ 7(777) 033-00-99, Nam Tatána, Almaty International Rotary Club elekt-prezıdenti.