QR Eńbek jáne halyqty áleýmettik qorǵaý mınıstrligi «Eńbek etý qabiletinen aıyrylǵan jaǵdaıda áleýmettik tólem taǵaıyndaý» jáne «Múgedektik boıynsha memlekettik áleýmettik járdemaqy taǵaıyndaý» proaktıvti qyzmetterin alýdy jeńildetti – endi bul qyzmetterdiń kórsetilgenin rastaý úshin 1 SMS-habarlama jetkilikti dep habarlaıdy almaty-akshamy.kz
Buryn joǵaryda kórsetilgen qyzmetterdi alý prosesi eki SMS-habarlamany qamtıtyn: proaktıvti sıpatta memlekettik qyzmetterdi kórsetýge kelisim berý jáne paıdalanýshy tólem nemese járdemaqy alǵysy kelgen banktik shottyń 20 tańbaly IBAN nómirin jiberý. Endi qyzmet kórsetý bankin tańdaýdy rastaý memlekettik qyzmet kórsetýge avtomatty kelisim bolyp tabylady.
Eńbekmıni turaqty negizde aǵymdaǵy elektrondyq prosesterdi jaqsartý jáne qyzmet kórsetýdiń qaǵaz nysandaryn elektrondyq jáne proaktıvti sıpattarǵa aýystyrý boıynsha jumys júrgizýde.
Budan buryn habarlanǵandaı, aǵymdaǵy jyly memlekettik qyzmetterdiń jańa ózgertilgen sıpattaǵy reınjınırıngi sheńberinde mynadaı proaktıvti qyzmetter iske qosyldy: «Jumysynan aıyrylǵan jaǵdaıda áleýmettik tólem taǵaıyndaý», «Kópbalaly otbasyǵa járdemaqy taǵaıyndaý», «Asyraýshysynan aıyrylǵan jaǵdaıda áleýmettik tólem taǵaıyndaý» jáne «Asyraýshysynan aıyrylý boıynsha memlekettik áleýmettik járdemaqy taǵaıyndaý».