Fransıadan kelgen baqylaýshy Almaty turǵyndarynyń saılaýǵa pozıtıvti qaraıtynyn atap ótti, dep habarlaıdy Almaty-akshamy.kz.
IFRI ortalyǵynyń (Fransıanyń halyqaralyq qatynastar ınstıtýty) sarapshysy Mıkael Levıston Almatydaǵy Qazaqstan Respýblıkasy Prezıdentiniń saılaýyn jarıalaý jónindegi baspasóz ortalyǵynda sóılegen sózinde ótip jatqan saılaý kúni týraly jalpy áserimen bólisti.
«Bárinen de saılaý prosesine jastarmen qatar aǵa býyn ókilderiniń de qatysýy tań qaldyrady. Saılaý qarqyndy jáne belsendi ótýde», - dedi M.Levıston.
Búgin fransýzdyq baqylaýshy 5 saılaý ýchaskesinde bolǵan, olardyń biri Ulttyq kitaphanada ornalasqan.
«Men Jańa Qazaqstan úshin daýys berýge kelgen adamdarǵa kóp kóńil bóldim. Jáne bul tek 50 jáne 60 jastaǵy adamdar ǵana emes. Kelýshiler arasynda 18 jastaǵy azamattar da bar. Mysaly, saılaýǵa ómirinde birinshi ret kelgen jigit te boldy. Memlekettiń óz bolashaǵyna umtylyp jatqany anyq», - dep jalǵastyrdy spıker.
Sondaı-aq, ol Qazaqstanda múmkindigi shekteýli jandardyń saılaý ýchaskelerine kelýi úshin barlyq jaǵdaı jasalǵanyn, onyń kóptegen elderge úlgi ekenin atap ótti.