Jambylda bolǵan qaıǵyly oqıǵa – barsha qazaq halqynyń qaıǵysy. Beıbit kúnde jarylys bolyp, atpaldaı azamattarymyzdan aıyrylyp qalǵanymyz memleketimiz úshin úlken qasiret. Bul oqıǵa ár qazaqstandyqqa ońaı tıgen joq. El-jurt bolyp qaıǵyryp otyrmyz. Osy oraıda Memleket basshysy Qasym-Jomart Toqaevtyń bul kúndi qaraly kún dep jarıalaýy oryndy sheshim boldy dep oılaımyn. El basyna kún týǵanda bizdiń ult retinde uıymdasyp, aýyzbirshilik tanytýymyz asa mańyzdy. Biz el bolyp jambyldyq aǵaıynnyń basyna túsken aýyr jaǵdaıǵa qoldaý bildirýimiz kerek. Azaly kún – árbir otandasymyzdyń elge degen jaýapkershiliginiń belgisi. Bárimiz Taraz shaharynyń turǵyndarymen birgemiz. Budan bylaı mundaı aýyr synaq halqymyzdyń basyna túspesin dep tileımiz. Qyzmet babynda júrip el úshin qaza bolǵan azamattarymyzdyń týystary men jaqyndaryna qaıǵyryp kóńil aıtamyn.
Merhat Jylqybaev, QHA «Jańǵyrý joly» Respýblıkalyq jastar qozǵalysynyń tóraǵasy: Taraz turǵyndarymen birgemiz!
- Avtor Almaty-akshamy
- 13:42, 29 tamyz 2021
sýret: 24.kz