Bul qyzmet "Ýpravdom" JSHS qosymshasynda qoljetimdi.
Memleket basshysynyń tapsyrmasyn oryndaý maqsatynda Digital Justice portfeli aıasynda jańa joba iske qosyldy, dep habarlaıdy Almaty-akshamy.kz QR Ádilet mınıstrligine silteme jasap.
Qazaqstandyqtar menshik ıeleri birlestigin onlaın rejımde tirkeı alady. Buryn qazaqstandyqtar MIB tirkeý jáne onyń tóraǵasyn saılaý úshin úı turǵyndarymen birneshe kezdesip, ádilet organdaryna tıisti ótinish berip, kóp ýaqyt jumsaıtyn. Endi uıaly telefondaǵy mobıldi qosymsha arqyly onlaın-ótinim berýge bolady. Bul qyzmet "Ýpravdom" JSHS qosymshasynda qoljetimdi.
Bul turǵyndardyń qoltańbalaryn onlaın jınaýǵa, daýystardy, kvorýmdy avtomatty túrde sanaýǵa jáne elektrondyq hattamany avtomatty túrde toltyrýǵa múmkindik beredi.
Sondaı-aq úıdiń tóraǵasy, hatshysy jáne keńes músheleri qol qoıǵan elektrondyq hattama "Zańdy tulǵalar" memlekettik derekqoryna MIB elektrondyq tirkeý úshin joldanady. Joba eń aldymen MIB qyzmetiniń ashyq bolýyna, alaıaqtyq áreketterdi boldyrmaýǵa, úıdi basqarý kezinde prosesterdi avtomattandyrýǵa, qaǵaz qujat aınalymynan arylýǵa múmkindik beredi.