Jetisý oblysynda polıseıler egde jastaǵy turǵyndy alaıaqtardyń arbaýynan der kezinde qutqaryp qaldy, dep habarlaıdy Aqshamnews.kz tilshisi Polisia.kz-ke silteme jasap.
Oqıǵa oblystaǵy saýda ortalyqtarynyń birinde bolǵan. Polısıa qyzmetkerleri telefonmen abyrjyp sóılesip turǵan zeınetker áıeldiń minez-qulqyna kúmándanyp, janyna jaqyndaǵan. Tekserý barysynda belgisiz bireýler oǵan qońyraý shalyp, "tekserý júrgizemiz" degen syltaýmen SMS arqyly kelgen kodtardy aıtýdy talap etkeni anyqtaldy.
Alaıaqtar áıeldiń atyna 5 mıllıon teńge nesıe rásimdeýge árekettengen. Alaıda bank tek 2 mıllıon teńgeni maquldaǵan. Sol aqshany zeınetker alaıaqtarǵa aýdarmaq bolǵan sátte polıseıler aralasyp, jaǵdaıdy toqtatqan.
Tártip saqshylary qońyraý shalyp turǵan adammen baılanysqa shyqqanda, ol ózin Ásel dep tanystyryp, áıeldiń qyzy ekenin aıtqanymen, anasynyń aty-jóni men tegin dál ataı almaǵan. Bul alaıaqtyq árekettiń baryn aıqyndaı túsken.
Polısıanyń qyraǵylyǵynyń arqasynda 2 mıllıon teńge kólemindegi shyǵynnyń aldyn aldy. Zeınetkerge túsindirý jumystary júrgizilip, alaıaqtardyń keń taraǵan tásilderi aıtylǵan.
Polısıa azamattardy saq bolýǵa shaqyryp, bank nemese memlekettik organ qyzmetkerleri telefon arqyly SMS-kod suramaıtynyn jáne aqsha aýdarýdy talap etpeıtinin eskertedi.