Air Astana áýe kompanıasy Irannyń áýe keńistigin aınalyp ushýǵa kóshkenin málimdedi, dep habarlaıdy Aqshamnews.kz tilshisi.
Avıakompanıanyń baspasóz qyzmetiniń aqparatynsha, Sharm-el-SHeıh, Dýbaı, Doha jáne Medına baǵyttaryndaǵy reıster endi Iran aýmaǵyn aınalyp ótetin marshrýtpen oryndalady.
Kompanıa bul sheshimge baılanysty reısterdiń oryndalý tártibi qaıta qaralǵanyn atap ótti.
Eske salaıyq, buǵan deıin Iranda ulttyq valúta quldyrap, jappaı narazylyqtar bastalǵany, sondaı-aq narazylyq aksıalarynyń sońy tártipsizdik pen tonaýǵa ulasqany týraly jazǵan edik. AQSH prezıdenti Donald Tramp Irannyń qaýipsizdik kúshteri narazylyq bildirýshilerge oq atqan jaǵdaıda, olarǵa kómek kórsetýge daıyn ekenin málimdedi. Osy málimdemeden keıin Iran ózderine shabýyl jasalsa Izraıl men AQSH bazalaryna soqqy beretinin eskertti.