153 materıal usynylǵan
Búgin «Memlekettik til jáne BAQ» respýblıkalyq baıqaýynyń jeńimpazdary marpattaldy, dep habarlaıdy dep habarlaıdy Almaty-akshamy.kz.
Bıyl konkýrsqa 75 qatysýshy 153 materıal usynǵan. Solardyń ishinen arnaıy komısıanyń sheshimine sáıkes, bas júldeni Jambyl oblystyq «Ar-Aı» jastar gazetiniń tilshisi Ábdir Shapaǵat jeńip aldy. Oǵan 1 mln teńgeniń sertıfıkaty tabys etildi.
Al «Úzdik maqala» nomınasıasy boıynsha İ oryn respýblıkalyq «Jas alash» qoǵamdyq-saıası gazetiniń tilshisi Bıfat Eltaevaǵa, İİ oryn «Egemen Qazaqstan» gazetiniń aǵa tilshisi Aıdana Shotbaıqyzyna, İİİ oryn «Tólebı týy» qoǵamdyq-saıası gazeti redaksıasynyń bólim meńgerýshisi Tólegen Ahmetovke buıyrdy.
Sonymen qosa, «Úzdik tele jáne radıobaǵdarlama» nomınasıasy boıynsha İ oryndy «Jetisý radıosynyń» bas redaktory Muhıt Toqtasyn jeńip aldy. Bul atalymda İİ oryndy Qazaq radıosynyń sholýshy redaktory Shákim Janbolat jáne İİİ oryndy «Qyzylorda» telearnasynyń shef-redaktory Tolqyn Qabylsha enshiledi.
«Úzdik saıt» nomınasıasynda respýblıkalyq «Aıqyn» gazetiniń tilshisi Qarqyn Kóktem jeńimpaz atandy. İİ oryn halyqaralyq «Túrkistan» gazetiniń shtattan tys tilshisi Ahmer Birjanǵa, İİİ oryn Qazaqstan ulttyq quramasynyń baspasóz hatshysy Ermuhamed Máýlenge buıyrdy.
Baıqaý júldegerleri aqshalaı syıaqymen marapattaldy. Aıta keteıik, baıqaý Ǵylym jáne joǵary bilim mınıstrliginiń Til saıasaty komıteti jáne Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵymen birlese uıymdastyrylǵan.