Kelisim boıynsha mindettemeler
OPEK+ elderi qazan aıynda munaı óndirisin azaıtady. Mundaı sheshim búgin beınekonferensıa formatynda ótken OPEK+ kelisimine qatysýshy elderdiń mınıstrlik otyrysynda qabyldandy, dep habarlaıdy Almaty-akshamy.kz.
Otyrysqa Qazaqstan atynan Energetıka vıse-mınıstri Áset Maǵaýov qatysty.
Onlaın-kezdesýde tamyz aıynda elderdiń kelisim boıynsha mindettemelerin oryndaýy talqylandy.
Málim etilgendeı, qazan aıynda munaı óndirisin tamyz aıyndaǵy kórsetkishke qaıtarý sheshimi qabyldandy.
«Otyrys qorytyndysy boıynsha táýligine 0,1 mln barelge ulǵaıtý tek qyrkúıek aıy úshin ǵana bolǵanyn eskere otyryp, qazan aıyndaǵy óndirý deńgeıin tamyz aıyndaǵy deńgeıde qaldyrý týraly sheshim qabyldandy. Qazaqstannyń qazan aıyndaǵy mindettemeleri táýligine 1,706 mln bareldi quraıdy», - delingen QR Energetıka mınıstrligi baspasóz qyzmetiniń málimetinde.