Prezıdent Túrki akademıasynyń jumysyna joǵary baǵa berdi.
Qasym-Jomart Toqaevqa Halyqaralyq Túrki akademıasynyń prezıdenti Monǵolıanyń Arhanǵaı aımaǵy, Nomǵon jazyǵyndaǵy ǵylymı arheologıalyq ekspedısıa jumystarynyń nátıjesinde tabylǵan Qutlyq Elteris qaǵanǵa arnalǵan keshen men jazýlar týraly baıandady, dep habarlaıdy Almaty-akshamy.kz Aqorda saıtyna silteme jasap.
Darhan Qydyráliniń aıtýynsha, bul jazý tarıhymyzdy, adamzat órkenıetine qosqan úlesimizdi 50 jylǵa ilgeriletedi. Sondaı-aq Qutlyq qaǵannyń tusynda salynǵan saltanatty keshennen tańbalar, túrli artefaktiler de tabylǵan.
Kezdesýde Túrki akademıasynyń atqaryp jatqan ózge jumystarymen qatar shyǵarǵan oqýlyqtary týraly da aıtyldy.
Darhan Qydyráli Memleket basshysyna halyqaralyq akademıadaǵy jumysynyń aıaqtalyp jatqanyn jetkizdi.
Qazaqstan Prezıdenti Mońǵolıada júrgizgen ǵylymı arheologıalyq ekspedısıanyń nátıjelerine jáne Túrki akademıasynyń jalpy jumysyna joǵary baǵa berdi.