Eki el basshylarynyń áńgimesi dástúrli dostyq rýhynda ótti.
Áńgime basynda Qasym-Jomart Toqaev pen Rejep Taııp Erdoǵan birin-biri qasıetti Ramazan aıynyń bastalýymen quttyqtady, dep habarlaıdy Almaty-akshamy.kz Aqorda saıtyna silteme jasap.
Bıyl naýryz aıynda Qazaqstan men Túrkıa eki el arasyndaǵy dıplomatıalyq qatynastardyń 30 jyldyǵyn atap ótti. Prezıdentter saýda-ekonomıkalyq baılanystardyń damý qarqynyn oń baǵalady. Qasym-Jomart Toqaev ekijaqty saýda-sattyq kólemin 5 mıllıard dollarǵa deıin, sodan keıin keleshekte 10 mıllıard dollarǵa deıin arttyrýdyń mańyzdy ekenin aıtty.
Túrkıa kóshbasshysy Qazaqstan Prezıdentiniń mamyr aıynda Ankaraǵa josparlaǵan memlekettik sapary eki el arasyndaǵy kópjaqty qatynastardyń damýyna tyń serpin beredi dep úmittenetinin jetkizdi.
Sonymen qatar Memleketter basshylary halyqaralyq jáne aımaqtyq kún tártibindegi ózekti máseleler jóninde de jan-jaqty pikir almasty. Qasym-Jomart Toqaev Rejep Taııp Erdoǵannyń Ýkraınadaǵy jaǵdaıdy beıbit jolmen retteý jónindegi bitimgerlik kúsh-jigeriniń tıimdiligin joǵary baǵalady.