Gaz salasyn damytý sharalary jóninde málimet berildi
18 sáýirde Memleket basshysy Qasym-Jomart Toqaev Energetıka mınıstri Almasadam Sátqalıevti qabyldady, dep habarlaıdy Almaty-akshamy.kz.
Prezıdentke elimizdiń otyn-energetıka kesheniniń negizgi damý kórsetkishteri, janar-jaǵarmaı naryǵyn úzdiksiz qamtamasyz etý sharalary, sondaı-aq iri munaı-gaz jobalaryn odan ári damytý máselesi týraly baıandaldy, delingen Aqorda habarlamasynda.
Qasym-Jomart Toqaevqa ishki naryqty gazben qamtamasyz etý jáne jalpy gaz salasyn damytý sharalary jóninde málimet berildi. Energetıka mınıstri bıyl Qazaqstanda taýarlyq gazdy únemdep tutynýdy yntalandyrý úshin energıa tıimdiligin arttyrý jospary ázirlenetinin aıtty.
Budan bólek, Memleket basshysyna generasıa sektoryndaǵy jobalardy júzege asyrý, elektr energıasynyń tapshylyǵyn joıý, elektr energetıkasy salasyn retteý tásilderin jetildirý jáne naryqty damytýdyń jańa modelin engizý perspektıvalary týraly aqparat berildi.
Kezdesý sońynda Prezıdent elimizdiń energetıka ınfraqurylymyn odan ári jańǵyrtýdyń, sondaı-aq munaı-gaz jobalaryn ýaqytyly júzege asyrýdyń mańyzdy ekenine nazar aýdardy.