Almaty oblysynda búgingi kúni «Mektepke jol» aksıasymen demeýshilik qarajat esebinen 12 905 balaǵa 121 762 455 teńge kóleminde kómek kórsetildi.
Dástúrli «Mektepke jol» aksıasy aıasynda Almaty oblysynda az qamtylǵan jáne kóp balaly otbasy balalary qajetti zattarmen qamtamasyz etildi. dep habarlaıdy Almaty-akshamy.kz «Jetisy media»-ǵa silteme jasap.
Bıylǵy oqý jylyn barlyǵy asyǵa tosqany anyq. Pandemıa saldarynan bir jarym jyl onlaın oqý formaty júrgizilgen edi. Endi mine dástúrli júıe qaıtyp oraldy. Respýblıka mektepteriniń jumysy qaıta jandanyp sanıtarlyq talaptarmen úrdis jalǵasýda. Bilim maýsymyna ázirliktiń eń aýqymdysy «Mektepke jol» bastamasy. Almaty oblysynda búgingi kúni «Mektepke jol» aksıasymen demeýshilik qarajat esebinen 12 905 balaǵa 121 762 455 teńge kóleminde kómek kórsetildi.
Sonymen qatar, oblystyq bilim basqarmasynyń uıytqy bolýymen «Balalarǵa qamqorlyq» aksıasy jarıalanǵan. Ol arqyly 40-tan astam búldirshin basqarmalardan 1 180 000 teńge kóleminde kómekke ıe boldy.
«Atameken kz» portaly boıynsha demeýshiler, basqarma basshylary 17964 balaǵa 170 622 000 teńge somada materıaldyq kómek berdi.
Al 16594 balany keńse taýarlarymen jáne mektep formasymen qamtamasyz etý maqsatynda jappaı oqytý qorynan 414 mln 850 myń teńge bólindi. Al, jumyspen qamtýdy úılestirý jáne áleýmettik baǵdarlamalar basqarmasy AÁK alatyn otbasylardan shyqqan 27 937 balaǵa kómek kórsetedi. Aıta ketken jón, aımaqta 66 shalǵaı eldi mekennen oqýshylar tasymalmen bilim alady. Bıyl tıisinshe olardy tasymaldap oqytý sátti uıymdastyrylyp otyr. Bul maqsatta ótken jyly jergilikti búdjet esebinen 71 avtobýs satyp alynǵan.