Almatyda az qamtylǵan 410 otbasyǵa mektep sómkesi tabystaldy.
Almaty qalalyq áleýmettik ál-aýqat basqarmasy demeýshiniń qoldaýymen 410 az qamtylǵan otbasyǵa mektep sómkesin tabystady. Oqý jyly qarsańynda balalarǵa mektep formasy men oqý quraldary taratyldy, dep habarlaıdy Almaty-akshamy.kz Almaty.tv-ge silteme jasap.
Al, júzine kúlki úıirilgen oqýshylar men ata-analar shara uıymdastyrýshylaryna alǵysyn jaýdyryp jatyr. Aıta ketý kerek, basqarma tarapynan mundaı qaıyrymdylyq is-sharalary jıi ótkiziledi. Búginde kóp balaly analardyń ózi de túrli áleýmettik is-sharalarǵa belsene qatysady.
«Birinshiden, ata-analarymyzdy qýantyp jatyrmyz. Ekinshiden, kishkentaı balapandarymyzdy qýantyp jatyrmyz. Áleýmettik ál-aýqat basqarmasynda bir aıda bir ret osyndaı is-sharalar ótkizilip jatyr. Jyldyń basynan bastap 1280 otbasyǵa biz kómektestik», – dedi qalalyq áleýmettik ál-aýqat basqarmasynyń basshysy Názıra Toǵyzbaeva.
«Bir balamyzǵa bolsyn qol ushyn bergenine rızamyz. Óıtkeni tórt balany mektepke daıyndaý myna zamanda óte qıyn bolyp tur. Bizdiń bir jaǵymyzǵa shyǵysty dep oılaımyn», – dedi kóp balaly ana Baǵlan Jumadilova.