Qaladaǵy KVI boıynsha epıdemıologıalyq jaǵdaı kúrdeli.
Almaty qalasyndaǵy KVI boıynsha epıdemıologıalyq jaǵdaı qaýyrt, epıdemıologıalyq jaǵdaıdy baǵalaý matrısasynda qala qyzyl aımaqta bolýyn jalǵastyrýda, dep habarlaıdy Almaty-akshamy.kz.
Bul týraly Almaty qalasy Óńirlik komýnıkasıalar qyzmetiniń alańynda ótken onlaın brıfıńte Almaty qalasynyń sanıtarıalyq-epıdemıologıalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın aıtty.
Bas sanıtardyń aıtýynsha, tamyz aıynyń 27-ne deıin KVI-diń 39,2 myńnan astam jaǵdaıy tirkelgen, bul jyl basynan beri 121,2 myń jaǵdaıdyń 32%-yn quraıdy.
«23 tamyzdan bastap KVI-diń táýliktik ósimi 1,1% (paıyz) deńgeıinde qalyp otyr, bul qoǵamdaǵy naýqastardan ınfeksıanyń áli de joǵary berilýin kórsetedi-R sany (juqtyrý ındeksi) 1,02 quraıdy (1 naýqastan 1 qarym qatynasta bolǵan adamǵa juqtyrady). «Sımptomdyq» naýqastardyń úles salmaǵynyń artýy jalǵasýda - sońǵy aptada aldyńǵymen salystyrǵanda 94,2%-dan 95%-ǵa deıin ósti», - deıdi Bekshın.
Jıyn barysynda ol Almaty qalasy halqynyń ımýndyq qabaty 42%-dy quraǵanyn jetkizdi.