«Shymbulak Medeu Camp» balalar taý lageri jumysyn bastady. Lager balalarǵa Almatynyń keremet taýlarynda umytylmas oqıǵalardy bastan keshirýge múmkindik beredi.
- Jobanyń maqsaty balalarda tabıǵatqa degen súıispenshilik men qurmetti tárbıeleý, olarǵa ashyq aýada bolý úshin qajetti daǵdylardy úıretý, sondaı-aq komandada jumys isteý, kóshbasshylyq, qurmet jáne jaýapkershilik sıaqty qasıetterdi damytý bolyp tabylady. Biz ár balanyń túrli baǵdarlamalar men belsendilikterdi usyna otyryp, fızıkalyq, ıntellektýaldyq jáne moraldyq áleýetin damytýǵa umtylamyz, deıdi joba jetekshileri.
Lagerde jasóspirim skaýttar turatyn 11 jaıly úı, 2 ákimshilik úı, balalarǵa arnalǵan asqana jáne otbasylyq meıramhana bar. Sonymen sabaq oqýǵa jáne ýaqytty qyzyqty ótkizý úshin arnaıy jabdyqtalǵan alańdar da bar.
Lager baǵdarlamasy aıasynda jaıaý saparlar, komandalyq oıyndar, zoologıa ınstıtýtynyń, álpınızm federasıasynyń, ulttyq parkterdiń jáne basqa da uıymdardyń qatysýymen bilim berý dáristeri usynylady. Balalar jabaıy tabıǵatta, ulttyq mádenıetti úırenip, ózderiniń kórkemdik qabiletterin damytatyn bolady.
Lager tabıǵat álemine jolserik bolyp, adamdar úshin negizgi jáne mańyzdy bilim alyp, qorshaǵan ortaǵa durys kózqaras qalyptastyrýy úshin esikterin ashyp, «Leave no trace» fılosofıasyn ustanayp, tabıǵatty saqtaý qaǵıdalaryn saqtaı otyryp, árkimdi osy álemniń bir bóligi bolýǵa shaqyrady.-
- Biz sizdermen «Tabıǵat jáne Adam» departamenti júzege asyratyn eki áleýmettik joba týraly bóliskimiz keledi. «Shymbulak Outdoor Meetings» jobasy tabıǵı aımaqtardaǵy demalys qaýipsizdigin damytýǵa, týrızm salasyndaǵy adamdardyń kásibı deńgeıin arttyrýǵa, sondaı-aq jaıaý týrızmdi, álpınızmdi jáne tabıǵı ortadaǵy basqa da sport túrlerin damytýǵa baǵyttalǵan, - deıdi joba jetekshileri.
Sondaı-aq, "MOUNTAIN OPEN SOUL" jobasy qaıyrymdylyq jáne áleýmettik bastamalarǵa ashyq jáne balalar men eresekterdi taý mádenıetine baýlýǵa, sondaı-aq erekshe qajettilikteri bar balalar men halyqtyń áleýmettik osal toptarynyń arasynda beıimdelgen dene shynyqtyrýdy damytýǵa baǵyttalǵan. Al «Rúlsiz kún» atty jobada - Almaty qalasynyń basty ekologıalyq máselesin sheshýge qala turǵyndaryn tartý jáne eko-belsendilikti qoldaý jónindegi bastama usynylǵan.
Tabıǵat janashyrlary ár jeksenbide avtokóliksiz, qoǵamdyq kólikke minip, tabıǵatty qorǵaýǵa shaqyrady.