Partıalyq mobıldi qosymsha iske qosylady
Nur Otan partıasynyń atqarýshy hatshysy Asqat Oralov máslıhattardaǵy "nurotandyq" depýtattardyń reıtıń nátıjesin jurtshylyqqa jarıa etý kerektigin aıtty, dep habarlaıdy Almaty-akshamy.kz
«Partıanyń jumysy barynsha ashyq bolýy tıis dep sanaımyz. Búgingi tańdaǵy qoǵamnyń asa ózekti suranystarynyń biri – partıanyń ashyqtyǵy jáne halyqqa jaqyn bolýy», - dedi ol partıanyń kezekten tys sezinde.
Sondaı-aq Asqat Oralov pılottyq joba retinde máslıhattardaǵy Nur Otan depýtattarynyń reıtıń júıesi tolyqtaı synaqtan ótkenin aıtty.
«Onyń nátıjesin jurtshylyqqa jarıa etýdi usynamyz. Sonymen qatar partıalyq mobıldi qosymsha iske qosylady. Onda azamattar partıanyń jumysy týraly jedel aqparat alyp, qoǵamdyq mańyzdy máselelerge baılanysty túrli saýalnamalarǵa qatysyp, ótinish pen usynys-tilekterin qaldyra alady», - dedi partıanyń atqarýshy hatshysy.