Joba aıasynda keshendi sharalar júzege asyrylady.
Aýyl jastaryna arnalǵan «Órleý» atty jańa partıalyq jobasy usynylady. Bul týraly Nur Otan partıasynyń kezekten tys sezinde partıanyń atqarýshy hatshysy Asqat Oralov málim etti, dep habarlaıdy Almaty-akshamy.kz QazAqparatqa silteme jasap.
«Jas Otan» jastar qanatynyń jumysyn tolyqtaı qaıta jańǵyrtý asa mańyzdy. «Jas Otan» qataryna jastar arasynda shyn bedeli bar naǵyz kóshbasshylardy tartamyz. Aýyl jastaryna arnalǵan «Órleý» atty jańa partıalyq jobasyn usynamyz», - dedi Asqat Oralov.
Onyń aıasynda elimizdiń túkpir-túkpirindegi jastardyń tulǵalyq damýyna, shyǵarmashylyq qabiletterin shyńdaýǵa arnalǵan, olardy kásip ashyp, tabysty bolýǵa yntalandyratyn keshendi sharalar júzege asyrylady.
«Budan bólek, jas urpaqty otansúıgishtikke baýlıtyn «Qaısar» atty jańa áskerı-patrıottyq joba iske qosylady. El qorǵaıtyn, memleketimizge qyzmet etetin erjúrek azamattardy tárbıeleýge basymdyq beriledi», - dedi partıanyń atqarýshy hatshysy.