2023 jyldyń 1 qańtarynan bastap Májiliske zań qabyldaý quqyǵy beriledi. Bul jaıynda Ádilet mınıstri Qanat Mýsın málim etti, dep habarlaıdy Almaty-akshamy.kz QazAqparatqa silteme jasap.
«Senat Parlamenttiń ekinshi palatasy sanalady. Áýeli Májilis zańdy qabyldap, Senatqa maquldaýǵa jiberedi. Senat zań normalarymen kelispese de, Májilis qujatty qabyldaı beredi. Sóıtip, Májilis zańdy Prezıdentke qol qoıýǵa jiberedi. Jalpy, Senat jumysy ózgergen joq, zań qabyldaý jumysyna qatysady. Sodan keıin Senat pen Májilistiń birlesken otyrystarynda Konstıtýsıalyq zańdar qabyldanady. Úkimet ázirlegen jedel zańdardy palatalardyń otyrysynda qaraıdy. Senatsyz Parlament jumys jasamaıdy», - dedi Parlament palatalarynyń otyrysynan keıin BAQ ókilderiniń saýalyna jaýap bergen mınıstr.