Senattyń qaraýyna joldandy.
«Respýblıkalyq referendým týraly» Konstıtýsıalyq zańǵa ózgerister men tolyqtyrý engizý týraly» zań jobasy maquldandy, dep habarlaıdy Almaty-akshamy.kz QazAqparatqa silteme jasap.
«Zań jobasy respýblıkalyq referendým ótkizý kezinde paıdalanylatyn búleten nysandaryn birizdendirý maqsatynda ázirlendi. Memleket basshysy Qazaqstan halqy Assambleıasy otyrysynda Konstıtýsıaǵa engiziletin ózgerister boıynsha respýblıkalyq referendým ótkizýdi usyndy. Bul oryndy usynys, qoǵam ómiriniń neǵurlym mańyzdy máselelerine qatysty sheshimderdi búkilhalyqtyq daýys berý arqyly sheshý – halyq bıliginiń ádiletti qoǵam qurýynyń aıryqsha kórinisi», - dedi Májilis depýtaty Berik Bekjanov.
Onyń aıtýynsha, zań jobasymen referendýmǵa qoıylǵan máselelerdi qamtıtyn búlletenderdegi birde-bir jaýap belgilenbegen nusqalaryn jaramsyz dep taný jáne usynylǵan jaýaptardyń barlyq nusqalary belgilengen búletenderdi jaramdy dep taný normalary engiziledi.
«Alaıda bundaı búletender daýys berý kezinde esepke alynbaıdy. Sonymen qatar, daýys berýshiniń búletende kez kelgen belgi qoıý arqyly daýys berý erki naqtylanady. Bul norma, óz kezeginde, daýys berý rásimin júzege asyrý prosesinde azamattarǵa qolaıly jaǵdaı jasaıdy. Zań jobasyn qabyldaý teris jáne ózge de keleńsiz áleýmettik-ekonomıkalyq jáne quqyqtyq saldarǵa ákep soqpaıdy jáne búdjet shyǵystaryn talap etpeıdi», - dedi depýtat.
Palata depýtattary talqylaýdan keıin atalǵan qujatty maquldap, Senattyń qaraýyna joldady.
Budan buryn habarlanǵandaı, jaqynda Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHİ sesıasynda Memleket basshysy Qasym-Jomart Toqaev Ata zańǵa ózgerister men tolyqtyrýlar engizý jóninde respýblıkalyq referendým ótkizýdi usyndy.