Almaty qalasynan shyqqan depýtattar da megopolıs turǵyndaryn qala kúnimen quttyqtap, jyly lebizderin bildirip jatyr, dep habarlaıdy Almaty-akshamy.kz Almaty.tv-ge silteme jasap.
Táýelsizdiktiń altyn besigi Almatyda talaı jyl qyzmet etip, túrli jyldary qalanyń jastar saıasatynda basshylyq etken Elnur Beısenbaev 2019 jyly Astanaǵa aýysqan edi. Qazir muqym eldiń muń-muqtajyn minberde kóterip júrgen halyq qalaýlysy, ásem qala Almatyny umytpaıtynyn aıtady. Shahar jurtyn merekemen quttyqtaǵan ol ystyq yqylasyn bildirip, tilekshi ekenin jetkizdi.
«Táýelsizdigimizdiń tal besigi, altyn besigi Almaty qalasynda talaı saıası ózgerister oryn alǵan. Ol Jeltoqsan oqıǵasynan bastap alatyn bolsaq, shynaıy túrde 30 jyldyq myna saıası arenadaǵy azamattyq pozısıalaryn nyq aıta biletin, kez kelgen ózgeristerge ashshy da bolsa daýsyn jetkize biletin, sonymen qatar ár túrli eksperttik ortada sapaly oı aıta biletin osyndaı belsendi almatylyqtardy búgingi shynaıy Almaty kúnimen quttyqtaımyn. Almaty – ol táýelsiz Qazaqstannyń shynaıy bet kelbeti dep esepteımin», - dedi QR Parlamenti Májilisiniń depýtaty Elnur Beısenbaev
Arý Almatyny jetinshi shaqyrylymnyń depýtaty Aıdos Sarym da quttyqtady. Májilismen táýelsiz Qazaqstannyń talaı mańyzdy qujatyna qol qoıylyp, túrli salmaqty sheshimder qabyldanǵan qala, el júregi bolyp máńgi qalady deıdi. Onyń oıynsha, kóptegen jasty myqty maman etip daıyndaıtyn megapolıs budan da damý kerek.
«Almatymyzdy aıalaıyq. Almatymyzdy saqtaıyq. Almaty – elimizdiń júregi. Almaty – elimizdiń shyn mánindegi aqyl, oıy toptasqan jınalǵan jeri. Sondyqtan myna tarıhtan sabaq alǵan el bolsaq, bizder almatylyqtardyń jańa usqynyn jasap, Almatynyń qaıtadan aldaǵy ýaqytta da óziniń kóshbasshylyq pozısıasyn saqtaýǵa bastaıtyn ózgeristerge jol ashaıyq der edim», – dedi QR Parlamenti Májilisiniń depýtaty Aıdos Sarym.