Qala kúnimen qatar búgin elimizde analardyń merekesi de toılanyp jatyr. 10 jyldan beri qyrkúıektiń ár úshinshi jeksenbisinde bul kúndi atap ótý dástúrge aınalǵan, dep habarlaıdy Almaty-akshamy.kz Almaty.tv-ge silteme jasap.
Soǵan oraı, «Qazaq analary – dástúrge jol» birlestigi qazaqtyń bulbuly Roza Baǵlanovanyń eskertkishine gúl shoǵyn qoıdy. Álemniń jaryǵyn syılaǵan analar syı-qurmetke laıyq dep meırammen quttyqtap, án shyrqap berdi. Aıta keteıik, byltyr ǵana qurylǵan birlestikte qazir 9 myńǵa jýyq ana bar. Onyń eń úlkeni - 90 jasta. Uıym jas otbasylardy tabystyrý, arazdy tatýlastyrý, sondaı-aq umyt bolǵan dástúrdi jandandyrýmen aınalysady.
«Bir qazaq bir qazaqty túıip ótedi. Endi dástúr kelmeı adam óz bolmysynan aıyrylǵanda ult joıylady. Qazaqqa, ultqa kerek nárse - dini, dili, tili men dástúri. Osy úsh nárseden ada bolǵan halyqty ony endi qalaı dep ataýǵa bolady», – dedi «Qazaq analary – dástúrge jol» respýblıkalyq qoǵamdyq birlestiginiń tóraıymy Aınur Júginisova.
«Qazaq analary – dástúrge jol» respýblıkalyq qoǵamdyq birlestiktiń maqsaty – salt-dástúr, ádet-ǵuryp, ana tilimizdi qasterleý, ulttyq kıimderimizdi jáne aq kımeshegimizdi nasıhattap, qazirgi mynaý bizdiń urpaǵymyzdy tárbıelep jatqan. Jas kelinder, apa-jeńgeler, qyz-kelinshekterdi jaqsy jolǵa nasıhattaý, tárbıeleý», – dedi kópbalaly ana Láıle Dáýlet.