Úndistannyń Nú-Delı qalasynda bokstan áıelder arasynda ótip jatqan álem chempıonatynda qazaqstandyq Mádına Nurshaeva shırek fınalǵa ótti, dep habarlaıdy QazAqparat tilshisi.
Qazaqstandyq boksshy 1/8 fınalda ońtústikkoreıalyq Hongen Choımen judyryqtasty.
Mádına birden jekpe-jek tizginin qolǵa ala bildi. Úshinshi raýndta tipti qarsylasyn nokdaýnǵa jiberdi. Tóreshiler sheshimi - 5:0, jeńis M.Nurshaevanyń paıdasynda.
Taǵy bir qazaqstandyq Jazıra Oraqbaeva búgin jarys jolynan shyǵyp qaldy. Ol 52 kelige deıingi salmaqta úndistandyq Sakshı Sakshıge ese jiberdi - 0:5.
Búgin sondaı-aq Jaına Shekerbekova (54 kg) ózbekstandyq Nıgına Ýktamovamen, Valentına Halzova venesýelalyq Marıelıs Irısamen sharshy alańǵa shyǵady.