Bul týraly №36 qalalyq emhananyń bas dárigeriniń uıymdastyrý-ádistemelik jumysy jónindegi orynbasarynyń mindetin atqarýshy Venera Tohtahýnova aıtty. Ol Almaty turǵyndaryna ujymdyq ımýnıtetti qalyptastyrý jáne qalypty ómirge oralý úshin tezirek vaksınalanýdy usyndy, dep habarlaıdy Almaty-akshamy.kz.
V. Tohtahýnova Qazaqstanda qoldanylatyn koronavırýsqa qarsy vaksınalarǵa egjeı-tegjeıli toqtaldy. Ol vaksınalardyń arasynda aıtarlyqtaı aıyrmashylyq joq ekenin, barlyǵy joǵary tıimdilik kórsetkenin atap ótti.
Dárigerdiń aıtýynsha, búginde Qazaqstanda vaksına salý birneshe preparattarmen júrgiziledi.
«Reseılik Gam-kovıd «Spýtnık V» - bul vektorlyq vaksına, ekinshi komponentti 21 kúnnen keıin alady. Hayat-Vax – BAÁ vaksınasy. Ol sondaı-aq eki komponentten turady, ekinshi komponent 14-28 kúnnen keıin, ıaǵnı kezeńi qysqalaý. Qytaılyq vaksına CoronaVac – ekinshi komponent 14-28 kúnnen keıin vaksınalanady. QazVac otandyq vaksınasy da bar – ekinshi kezeńi 21 kúnnen keıin. Aıyrmashylyǵy - «Spýtnık V» - bul vektorlyq vaksına, al qalǵandary ınaktıvasıalanǵan, ıaǵnı olar eski ádis boıynsha jasalǵan. Olardyń arasynda erekshe aıyrmashylyq joq jáne olardyń árqaısysy KVI-dan qorǵaıdy jáne ólim jaǵdaıynan 100% jáne ınfeksıadan 90% qorǵaıdy», - dedi V. Tohtahýnova.
Dáriger vaksınalanǵan adam juqtyrsa da, ol koronavırýsty jeńil nemese sımptomsyz túrde ótkizetinin basa aıtty.
Eske salsaq, Almatydaǵy epıdemıologıalyq ahýalǵa baılanysty «qońyr qyzyl» aımaq endi. 2 tamyzda qalada koronavırýstyq ınfeksıanyń 1 540 jaǵdaıy (jergilikti) tirkeldi, onyń ishinde 1 440 sımptomdy, 136 sımptomsyz. Barlyǵy 4 930 adam (240 bala) fızıkalyq túrde ınfeksıalyq stasıonarlarda jatyr (7045 oryn).
2021 jyldyń 1 aqpanynan 1 tamyzyna deıingi kezeńde barlyǵy 725 575 adam vaksınanyń 1-shi komponentin aldy. Ótken táýlikte 4 971 adamǵa ekpe jasaldy. 60 jastan asqan vaksınalanǵandardyń jalpy sany 99 587 adam.
Qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń SOSO-larynda 167 ekpe pýnkti bar (250-ge deıin ulǵaıtý múmkindigimen). 1038 adamnan turatyn 234 ekpe brıgadasy jumys jumyldyrylǵan.