Onyń 115-i Qazaqstannan shyǵaryldy
Qalalyq polısıa departamenti "Mıgrant" is-sharasynyń qorytyndysyn shyǵardy, dep habarlaıdy Almaty-akshamy.kz.
Almatynyń kóshi-qon qyzmeti, 680 sheteldiktiń Qazaqstannyń kóshi-qon zańnamasyn buzǵanyn habarlady.
20-28 aqpan aralyǵynda ótkizilgen "Mıgrant" respýblıkalyq jedel-aldyn alý is-sharasy barysynda kóshi-qon zańnamasyn buzǵan 115 shet memlekettiń azamaty Qazaqstannan shyǵaryldy.
"Almaty qalasynda kórsetilgen merzimde, sheteldik jumys kúshin tartý erejelerin buzýdyń 72 deregi anyqtaldy, sheteldikterdiń Qazaqstan Respýblıkasynyń aýmaǵyna kelý zańdylyǵyn qamtamasyz etý boıynsha sharalar qabyldamaǵany úshin 497 jeke jáne zańdy tulǵalarǵa qatysty ákimshilik is tirkeldi. Qabyldap-taratý bólimine jeke basyn kýálandyratyn qujaty joq 634 sheteldik ornalastyryldy. Zańsyz kóshi-qon uıymdastyrý jáne elden shyǵarý týraly sot sheshimin oryndamaý derekteri boıynsha 14 qylmystyq is tergelýde", - dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.