Kórshi elderdegi jaǵdaı Qazaqstannyń ishki naryǵyna da áser etip otyrady.
Ótken jyldyń naýryzynda Reseıdegi bólshek saýdadaǵy dızel otynynyń baǵasy Qazaqstandaǵy baǵamen teńesken. Nátıjesinde elimizdegi janarmaıdyń baǵasy birshama arzandaǵan bolatyn, dep habarlaıdy Almaty-akshamy.kz.
Janarmaı salasy mamandarynyń aıtýynsha, baǵa teńeskennen keıin Reseımen shekaralas janarmaı stansıalarynda otyndy satý kólemi azaıǵanyn baıqalǵan. Eki ortada janarmaı satýshylar úshin Qazaqstannan janarmaı shyǵarý ekonomıkalyq turǵydan tıimsiz boldy.
Alaıda, araǵa bir aı salyp, kórshi elderdegi baǵa kúrt kóterilip, elimizde dızel óndirý kólemin arttyrǵanymen, kúz aılarynda janarmaı tapshylyǵy sezilgen.
Bıylǵy jyly da baǵadaǵy aıyrmashylyq saqtalyp otyr. Ótken jylǵy naýryz aıymen salystyrǵanda tutyný kólemi 15%-ǵa artqan. Jaǵdaı osy qalpynda saqtala berse, onsyz da shetel asyp otyrǵan qazaqstandyq dızeldiń kólemi artyp, janarmaı tapshylyǵy 850 myń tonnaǵa jetetinin aıtady munaı salasy mamandary. Buǵan deıin tapshylyqty janarmaı óndirý kólemin arttyrý arqyly jaýyp kelgen. Al qazirgi ýaqytta otandyq munaı zaýyttary maksımaldi rejımde jumys jasap tur eken. Shymkent zaýytyn keńeıtkenshe aldaǵy 6 jylda dızel óndirý kólemin arttyrý múmkindigi joq ekendigin aıtady mamandar.
Osylaısha, Qazaqstan arzan otynmen basqa elderdiń ekonomıkasyn sýbsıdıalap otyr dese de bolady.