İshki ister mınıstri Marat Ahmetjanov Úkimet otyrysynan keıin BAQ ókilderine «konstrýktor» kólikter qalaı zańdastyrylatynyn aıtty, dep habarlaıdy Almaty-akshamy.kz QazAqparat-qa silteme jasap.
«2014 jyly "Jol erejesi týraly" zańǵa ózgerister engizildi. Sol jerde Qazaqstanda ondaı avtokólikterdiń júrýine tyıym salynǵan. 2015 jyly Eýrazıa ekonomıkalyq odaǵy aıasynda da osyndaı avtokólikter qozǵalysyna tyıym salyndy. Biraq Prezıdenttiń tapsyrmasy bolǵasyn, ony zańdastyryp beremiz. Biraq ony erteń basqa bireýge satýǵa tyıym salamyz», - dedi ol.
Mınıstrdiń sózinshe, qazir mundaı sanatqa jatatyn 1,5 myń kólik bar.
«Aıtyp otyrmyz ǵoı, olardyń báriniń jol qaýipsizdigine tehnıkalyq sertıfıkatyn qaraımyz. Eger qaýipsiz bolsa, zańdastyryp beremiz», - dedi Marat Ahmetjanov.