Almatyda skaner arqyly bireýdiń kóligindegi qomaqty qarjy qoldy boldy
Almatyda qaraǵandylyq ury skanerdiń kómegimen bótenniń kóliginen 20 mıllıon teńge urlap ketti, – dep habarlaıdy Almaty-akshamy.kz Polisia.kz-ke silteme jasap.
Bul joly buryn múliktik qylmys jasaǵany úshin sottalǵan Qaraǵandy oblysynyń 51 jastaǵy turǵyny kózge tústi.
«Bul qylmys 28 qazan kúni saǵat 10:30-da oryn aldy. T.esimdi azamat Gogol men Tólebaev kósheleriniń qıylysynda turǵan Mercedes kóliginiń salonyna zańsyz kirip, sol jerden jasyryn túrde 20 mıllıon teńge aqsha urlaǵan. Kúdikti Qaraǵandy oblysynda ustaldy. Er adam urlanǵan aqshanyń bir bóligin jeke qajettilikterine jumsaǵany anyqtaldy. Qalǵany tárkilenip, QR QK-niń 188-baby 3-bóligi boıynsha Medeý aýdandyq PB tergep jatqan qylmystyq is materıaldaryna qosa tirkeldi», – dedi Almaty qalalyq PD bastyǵynyń orynbasary Berik Ábilbekov.
Spıkerdiń aıtýynsha, qaskúnem dabyldy skanerleý arqyly bótenniń kóligin ashqan. Osy qylmysqa basqa da adamdardyń qatystylyǵy anyqtalýda.