Almaty qalasynda "Vehicles Almaty" JSHS, "Astana Motors " motor kompanıasy" JSHS jáne "Youngsan Kazakhstan" JSHS birlesken avtomobıl oryndyqtaryn shyǵaratyn zaýyt qurylysy júrgizilýde, dep habarlaıdy almaty-akshamy.kz
Jobaǵa salynǵan jalpy ınvestısıa kólemi 3 mıllıard teńgeni quraıdy. Kásiporyn Qazaqstannyń avtomobıl shyǵaratyn zaýyttaryn óndiristik qýaty jylyna 100 myń jıyntyq bolatyn sapaly oryndyqtarmen qamtamasyz etýdi josparlap otyr.
Qazirgi ýaqytta jer ýchaskesin daıyndaý, shuńqyr qazý jáne metal konstrýksıalaryn ornatý sıaqty qurylystyń negizgi kezeńderi aıaqtaldy. Sendvıch panelderin ornatý jalǵasýda. Jabdyqtardyń tizimi kelisilip, jóneltýge daıyndalýda. 2024 jylǵy 20 naýryzdaǵy jaǵdaı boıynsha elektronıkany qurastyrýǵa jáne tekserýge arnalǵan tehnologıalyq jabdyqtyń bir bóligi alyndy.
Joba 2024 jyldyń tórtinshi toqsanynda aıaqtalady dep kútilýde, ol 27 jańa jumys ornyn ashady jáne eldiń avtomobıl ónerkásibiniń damýyna eleýli úles qosady.