Genrı Kıssındjerdiń shyn aty-jóni – Haıns Alfred Kıssınger.
AQSH-tyń burynǵy memlekettik hatshysy Genrı Kıssındjer 100 jasqa kelip, dúnıeden ozdy, dep habarlaıdy Almaty-akshamy.kz
Ol «dıplomatıanyń grosmeısteri», «búkil álemniń keńesshisi», «syrtqy saıasattyń gýrýy» dep atalyp ketken.
Onyń qaıtys bolǵany týraly Kissinger Associates Inc halyqaralyq konsaltıń fırmasy habarlady.
Genrı Kıssındjerdiń shyn aty-jóni – Haıns Alfred Kıssınger. Ol 1923 jyly qazirgi Germanıanyń aýmaǵynda bolǵan Veımar Respýblıkasynda týǵan.
1969-1975 jyldary AQSH prezıdentteri Rıchard Nıkson men Djerald Fordtyń keńesshisi, 1973-1977 jyldary memlekettik hatshy bolǵan.
Kıssındjer AQSH-tyń memlekettik hatshysy kezinde KSRO-men jáne Qytaımen yntymaqtastyqty nyǵaıtýǵa tyrysqan. Sol úshin ol Nobel syılyǵyn alǵan.
1973 jyly Kıssındjer Izraıl men Arab álemi arasyndaǵy qarym-qatynastyń rettelýine aralasyp, myqty dıplomat ekenin dáleldegen. Sol kezden beri ol «dıplomatıanyń grosmeısteri», «búkil álemniń keńesshisi», «syrtqy saıasattyń gýrýy» dep atalyp ketken.
Ol AQSH memlekettik hatshysy qyzmetinen ketkennen keıin Kissinger Associates Inc degen halyqaralyq konsaltıń fırmasyn ashqan. Sodan kóz jumǵansha osy kompanıany basqaryp keldi.
Foreign Policy jýrnalynyń saýalnamasyna qaraǵanda, ol AQSH-tyń sońǵy 50 jyldaǵy eń myqty memlekettik hatshysy bolǵan.