Qoıylym sybaılas jemqorlyq máselesine jáne onyń qoǵamǵa áserine nazar aýdarýǵa arnalǵan.
2023 jyldyń 28 qarashasynda 9 jeltoqsan - Halyqaralyq sybaılas jemqorlyqqa qarsy kúres kúni qarsańynda Abaı ýnıversıtetiniń «Úrker» stýdenttik teatrynyń «Alma!» jańa qoıylymy kórsetildi, dep habarlaıdy Almaty-akshamy.kz
İs-sharaǵa Abaı atyndaǵy QazUPÝ Basqarma tóraǵasy-rektory Bolat Tilep, QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Arman Rahımov, Sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń Prevensıa basqarmasynyń basshysy Qanat Sálimbaev, ýnıversıtettiń Sybaılas jemqorlyqqa qarsy komplaens-qyzmetiniń basshysy Sabyr Túmenbaev, sondaı-aq qurylymdyq bólimshelerdiń basshylary men stýdentteri qatysty.
Ideıanyń avtory men qoıylym rejıserleri Fılologıa ınstıtýtynyń 2 kýrs stýdentteri Muhtarov Ermahan men Qarabala Danıar. Teatr qoıylymy sybaılas jemqorlyq máselesin qozǵap, onyń tulǵaaralyq qarym-qatynasqa, áleýmettik ádilettilikke jáne negizgi moraldyq qundylyqtarǵa tıgizetin áserin ashyp kórsetip, kórermenderge osy áleýmettik qubylysqa jańa kózqaras pen túsinik berdi.
İs-shara barysynda Bolat Tilep sharanyń mańyzdylyǵyna toqtalyp, stýdenttik teatrdyń qatysýshylaryna tamasha qoıylymdary úshin shynaıy alǵysyn bildirdi. Sondaı-aq ol stýdentterdiń qoǵam aldyndaǵy jaýapkershiligin túsinip qana qoımaı, ýnıversıtet qabyrǵasynda adaldyq, parasattylyq, ımandylyq sıaqty áleýmettik qundylyqtardy qalyptastyryp jatqanyn jetkizdi. Rektor bul is-shara stýdentterdiń kásibı daǵdylaryn ǵana emes, olardyń qoǵamdaǵy jaýapkershiligin jáne sanaly azamattyń rólin arttyrýdaǵy mańyzdy qadam ekenin atap ótti.
İs-shara sońynda Arman Rahımov ýnıversıtet rektoryna jáne Sybaılas jemqorlyqqa qarsy komplaens-qyzmetiniń qyzmetkerine, sondaı-aq «Úrker» stýdenttik teatryna alǵys hattar tabys etti.