Pavlodarǵa omby qar tústi
Oblys ortalyǵyn qardan tazartý jumystary túni boıy júrgizilip, elýden astam arnaıy tehnıka jumys atqardy, dep habarlaıdy Almaty-akshamy.kz 24.kz-ke silteme jasap
Kósheler men aınalma joldardyń qys mezgilindegi tazalyǵyn eki merdiger kompanıa qamtamasyz etedi. Qys maýsymy bastalǵaly polıgonǵa 6 myń tonnadan astam qar shyǵarylypty.
Búgin tańǵy saǵat 6-dan beri shyǵarylǵan qardyń kólemi 500 tonnadan asty. Bul baǵyttaǵy jumystar áli de jalǵasady.
Ázirge barlyq kúsh qalanyń basty kósheleri men adamdar kóp júretin jerlerge baǵyttalyp otyr.
«Búgin tańǵy saǵat 06:00-den bastap qala kóshelerinde qardy tazalaý jáne shyǵarýǵa 70-ten astam arnaıy tehnıka shyqty. Iaǵnı bular 24 qar tıegish jáne 50 júk mashınasy. Joldardyń jıekterin, aıaldama pavılondaryn jáne jaıaý júrginshiler ótkelderin tazalaýǵa 200-den astam adam jumyldyryldy. Aldymen jaıaý júrginshi joldary, aıaldamalar, baspaldaqtar, eńister qardan tazartylýda», - dedi qala ákiminiń baspasóz qyzmetiniń bas mamany Janserik Qapzolla.