Budan buryn Kenesary hanǵa tıesili qasıetti Qurannyń QMDB-ǵa tabystalǵanyn habarlaǵanbyz.
Mádenıet jáne sport mınıstri Asqat Oralovtyń málimetinshe, Kenesary hanǵa tıesili qasıetti Quran kitabyna restavrasıa jasalady, dep habarlaıdy Almaty-akshamy.kz
Bul týraly mınıstr Telegram-daǵy paraqshasynda jazdy.
"Mádenıet jáne sport mınıstrligin alda úlken jumys kútip tur. Aldymen QR MSM janyndaǵy Ulttyq qoljazbalar jáne sırek kitaptar ortalyǵy qasıetti kitapqa restavrasıa jasaıdy. Osydan keıin kitaptyń 4 kóshirmesi daıyndalyp, kúzde jádiger Túrkistandaǵy Qoja Ahmet Iassaýı kesenesinde óziniń qurmetti ornyna qoıylýy tıis. Kenesary hanǵa tıesili Quran kitabynyń elge oralýy – ulttyq mádenıetimiz, tarıhymyz ben ǵylymymyz úshin asa mańyzdy oqıǵa. Rýhanı muramyz sanalatyn qundy qazynany kózimizdiń qarashyǵyndaı saqtaý árqaısymyzdyń asyl paryzymyz bolýǵa tıis", delingen mınıstrdiń jazbasynda.