Keıingi 3 jylda Qazaqstanda ekotýrıster sany 2 eseden astam ósti. Eger 2020 jyly olar 985 myń bolsa, 2022 jyldyń sońynda 2 mln-ǵa jetti, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
«Bul Qazaqstandaǵy ekologıalyq týrızmniń damý dınamıkasy jáne eldegi ekotýrızm mádenıetiniń qalyptasqanynyń kórsetkishi. Sondaı-aq respýblıkanyń ulttyq saıabaqtarynda jańa týrısik nysandar: vızıt-ortalyqtar, kempıngter men glampıngter salynyp jatyr. Onda qonaqtarǵa jergilikti ekojúıe jáne jabaıy janýarlar, týrısik marshrýttar, tasymaldaý pýnktteri jáne t.b. týraly aqparat beriledi. Mysaly, «Aıýsaı» vızıt-ortalyǵynda týrıserdiń qaýipsizdik jýrnalyna ár túrli soqpaq joldarmen shyǵatyn saıahatshylardy tirkeıdi. Eger demalýshylar saǵat 22:00-ge deıin oralmasa, vızıt-ortalyq qyzmetkerleri izdeýdi bastaıdy»,- dedi Mádenıet jáne sport vıse-mınıstri Erjan Erkinbaev.
Esterińizge sala keteıik, keıingi 2 jylda Qazaqstannyń ulttyq parkterinde 14 vızıt-ortalyq ashyldy, onyń 7-ýi jeke ınvestorlardyń qarajatyn tarta otyryp salyndy. Sonymen qatar, eldegi glampıngter sany bıyl 38-ge jetti.