«Mundaı tájirıbe ákimdikterdiń fıskaldyq organdarǵa jarnama retinde anyqtaı otyryp, belgini paıdalanatyn kásipkerler týraly málimetterdi usynýy nátıjesinde qalyptasty. Mysaly, Almaty oblysynda ákimdik jarnama úshin salyq tóleýshi retinde «A.» JK týraly málimetterdi jibergen kezde, ǵımarattyń tóbesindegi dúkenniń belgisi ǵana alyndy. Sonymen qatar, Qyzylorda oblysynda bıznes obektilerinde úgit materıaldaryn ornalastyrǵany úshin 18 kásipkerge salyqtyq tólemderdi negizsiz esepteý faktisi anyqtaldy, olar da zań talaptaryna sáıkes salyq salýǵa jatpaǵan. Jalpy, prokýrorlar 1600-den astam zańsyz salyq alý faktilerin anyqtady», – delingen Bas prokýratýra habarlamasynda.
Búginge prokýrorlyq qadaǵalaý aktileri boıynsha 12 laýazymdy tulǵa tártiptik jaýapkershilikke tartyldy, 725 bıznes sýbektisiniń quqyqtary qorǵaldy, 12 mln teńgeden astam qarajat kásipkerlerge qaıtaryldy.