İs-sharanyń maqsaty - jastardy belsendi sportqa tartý.
2021 jyldyń 19 shildesinde Nur Otan partıasy janyndaǵy Jas Otan Jastar qanatynyń Almaty qalalyq fılıalynyń belsendileri men Qazaqstan Jastar qoǵamdyq qory saýda kásiporyndarynyń jas jumysshylary arasynda «Dúısenbilik sport» fýtbol týrnıriniń ashylýy ótti, dep habarlaıdy Almaty-akhamy.kz.
Týrnırge saýda ortalyǵy men bazar, shashtaraz salondarynyń qyzmetkerleri qatysty.
Mundaı is-shara "jasotandyqtardyń" uıymdastyrýymen ekinshi jyl ótkizilip otyr. Bıylǵy jyly týrnır týraly ıdeıany Almaty qalasy ákimdiginiń qoǵamdyq damý basqarmasy qoldady.
19 shilde kúni toǵyz týrnırdiń birinshi týry ótti. «Spartak» stadıonynyń alańyna jas fýtbol jankúıerlerinen quralǵan 32 komanda jınaldy. Oıyn 5+1 formatynda ótti.
İs-sharanyń maqsaty - jastardy belsendi sportqa tartý, salaýatty ómir saltyn nasıhattaý, jastar arasynda fýtboldy keńinen damytý.
«Bizdiń komanda qatysqan týrnır bir kúndik is-shara bolyp qana qoımaı, týrnırlik machtar ary qaraı óz jalǵasyn tabatyny biz úshin jaqsy. Osyndaı týrnırlerge qatysqanymyzǵa qýanyshtymyz, óıtkeni ol bizdiń komandamyzdyń birligin nyǵaıtady, damýymyz úshin jańa múmkindikter beredi», – dep týrnır qatysýshysy Medetov Dýlat óz áserimen bólisti.
Aıta keteıik, karantın sharalaryna baılanysty machtar kórermenderdiń qatysýynsyz ótti.
