Ótken táýlikte Almatyda koronavırýs ınfeksıasyn juqtyrǵan 996 jaǵdaı tirkeldi.
Qazaqstanda 12 men 18 jas aralyǵyndaǵy balalardy Pfizer preparatymen vaksınalaý máselesi qarastyrylýda. Alaıda Qazaqstannyń Profılaktıkalyq medısına akademıasynyń prezıdenti Almaz Sharmannyń aıtýynsha, qazirgi ýaqytta balalardy vaksınalaý máselesi mańyzdy emes. Ǵalymnyń pikirinshe, aldymen eresek turǵyndardy jappaı vaksınalaý qajet, dep habarlaıdy Almaty-akshamy.kz.
«Meniń bilýimshe, qazir Spýtnıkti jasaýshylar 12 jastan 16 jasqa deıingi balalarǵa klınıkalyq zertteýler júrgizýde. Moderna kompanıasy da osyndaı synaqtar júrgizedi. Halyqtyń jartysy vaksınanyń eki dozasyn alǵan elder úshin bul másele ózekti bolýy múmkin. Al Qazaqstanda eresekterdiń tek 16%-y ǵana ekpe aldy. Sol úshin balalardy vaksınalaý týraly aıtýǵa áli erte. Eń bastysy, eresek turǵyndardy 50%-ǵa deıin vaksınamen qamtýdy arttyrý kerek», - dedi Almaz Sharman Óńirlik komýnıkasıalar qyzmetinde ótken brıfıńte.
Koronavırýsqa qarsy vaksınanyń qajettiligi týraly aıta kele, ǵalym bir jyl buryn balalarda «Kavasakı» túrindegi baıqalǵan aýyr júıelik qabyný sındromyna barlyǵy tań qalǵanyn eske saldy.
«Bul Nú-Iorkte balalarda qan tamyrlarynyń ótkizgishtiginiń buzylýy alǵash ret anyqtalǵan kezde bastaldy. Bul «Ýhan» jabaıy shtamyna baılanysty boldy. «Kavasakı» sındromy Qazaqstanda da tabyldy. Pedıatrıa ınstıtýty 40-qa jýyq balanyń aýyrǵany týraly esep berdi. Bul turǵyda «delta» nusqasy «Ýhan» nusqasynan aıtarlyqtaı erekshelenbeıdi. Sırek jaǵdaıda «delta» shtamy balalarda osyndaı erekshe kórinisterdi týdyrýy múmkin. Jalpy, balalarda koronavırýs ınfeksıasy eresekterge qaraǵanda áldeqaıda ońaı, biraq bul bolashaqta balalar popýlásıasyn kóbirek baǵyttaıtyn mýtanttar bolmaıdy degendi bildirmeıdi», – dedi Almaz Sharman.
Búginde ǵalymnyń aıtýynsha, vırýs mýtasıany jalǵastyrýda. Eger bir jyl buryn KVI negizinen qarttar men ártúrli sozylmaly aýrýlary bar adamdarǵa áser etse, qazir koronavırýs 30 jastaǵy adamdarǵa áser etip, aýrýdy qıyndatady.
Aıta ketsek, ótken táýlikte Almatyda koronavırýs ınfeksıasyn juqtyrǵan 996 jaǵdaı tirkeldi. Infeksıalyq stasıonarlarda 3 270 adam jatyr, onyń ishinde 180 bala bar.