Maqsat – qala ekonomıkasynyn órkendetý men otandyq óndiris oshaqtaryn kóbeıtý.
Almatyda shaǵyn jáne orta bıznes sýbektilerin jeńildikpen nesıeleý men qaıtarymsyz grant berý bıyl da jalǵasady, dep habarlaıdy Almaty-akshamy.kz Almaty arnasyna silteme jasap.
Baǵdarlamaǵa túrli sanattaǵy azamattardyń qatysýyna bolady. Kásip bastaımyn degen jandar úshin memleketten qoldaý kóp.
Máselen, ótken jyly megapolıstegi kásipkerlikti damytýǵa 18,6 mlrd teńge qarjy bólingen. Sonyń nátıjesinde 5 myńnan astam adam jeńildetilgen nesıe alyp, jumysyn bastady. Jobany qarjylandyratyn basym baǵyt – kólik qurylǵylaryn shyǵarý, saýda jáne ónerkásip, sondaı-aq qyzmet kórsetý salasy.
«Jyl saıyn respýblıkalyq búdjetten bólinetin qarjy kólemi ulǵaıyp keledi. Sáıkesinshe, memlekettik baǵdarlamaǵa qyzyǵýshylyq tanytatyndar da kóp. Qazir «Bıznestiń jol kartasy-2025» memlekettik baǵdarlamalar aıasynda «Almaty bıznes-2025» jáne «Almaty bıznes» jobalary jumys istep tur. Bul baǵytpen kásipkerler 2 mln teńgeden 5 mln teńgege deıin qaıtarymsyz grant ala alady», - dedi Kásipkerlik jáne ınvestısıalar basqarmasynyń bólim basshysy Ádil Jankın.
Qomaqty aqsha kez kelgen janǵa berile bermeıdi. Oǵan qol jetkizý úshin arnaıy bıznes josparyńyz ınovasıalyq baǵytta bolýy kerek. Komısıa músheleri kreatıvti ıdeıalarǵa toly jobalarǵa kóńil bóledi.
«Kásibin bastaımyn degen jandar «Qolday» platformasy arqyly ótinish qaldyra alady. Qajetti qujattar tizimi: bıznes jospary, memleketten kómek alatyn múmkindigi shekteýli jandar bolsa, sony rastaıtyn qujat ótkizýi kerek. Bıylǵy jobaǵa ótinim berý aldaǵy naýryz aıynda bastalady. Sol ýaqytqa deıin turǵyndar bıznes josparlaryn daıyndap, mamandardan kómek alýyna bolady», - dedi «Qolday» kásipkerlik ortalyǵy dırektorynyń orynbasary Ásem Maqasheva.
Memleketten qarjy alyp, kásibin dóńgeletemin deıtinder «Invest Qoldaýǵa» baryp, mamandardyń keńesine júgine alady. Ortalyq shahardaǵy Baızaqov, 303 mekenjaıynda ornalasqan. Baǵdarlamaǵa tek jumyssyz azamattar ǵana emes, turaqty jumys orny bar adamdardyń da qatysýyna da múmkindik bar.