Reseılik «Kamyzákı» komandasy Qazaqstanǵa kelmeıtin boldy.
Bul jaıynda uıymdastyrýshylar resmı málimdedi, dep habarlaıdy Almaty-akshamy.kz.
VI Project prodúserlik ortalyǵy «Kamyzákı» ujymynyń 5-8 qazan aralyǵynda Almaty men Astanada ótýge tıis konserti bolmaıtynyn habarlady.
«Kamyzákı» ujymy ártisteriniń kópshilik aldynda jasaǵan áreketi jurtshylyqtyń narazylyǵyn týǵyzyp, bul másele qoǵamdyq rezonansqa aınaldy. Osyny eskere otyryp VI Project jáne Live Event uıymdastyrýshylar toby «Kamyzákı» komandasynyń Qazaqstan boıynsha búkil jeke konsertterin ótkizbeý jóninde sheshim qabyldady», - delingen ortalyqtyń Instagram paraqshasyndaǵy resmı málimdemesinde.
Bıl️etterdi qaıtarý máselesi boıynsha qaı operatordan satyp aldyńyz, solarǵa habarlasqan jón.
Aıta keteıik, kesheden bastap Kino.kz jáne Tiketon platformalarynda atalǵan ártisterdiń konsertine bılet satý toqtap qalǵan bolatyn.