Qazaqstandyqtar jyljymaıtyn múlikke aýyrtpalyqtardy onlaın tirkeýdi jón kóredi.
Ótken jylmen salystyrǵanda "Blockchain" tehnologıasy arqyly jasalatyn mámileler sany 2,5 esege artty. 2024 jyldyń birinshi toqsanynda shamamen 25 myń operasıa jasaldy, dep habarlaıdy almaty-akshamy.kz.
Búgingi kúni ekinshi deńgeıli bankterdiń platformalary arqyly kepildi (qaıta kepilge qoıýdy) jáne onyń toqtatylýyn onlaın rejımde tirkeýge bolady. Aıta keteıik, bul qyzmet Astana, Almaty jáne Shymkent qalalarynda, sondaı-aq Túrkistan, Qaraǵandy jáne Almaty oblystarynda suranysqa ıe.
Sonymen qatar, Memlekettik korporasıa qaryz sharty boıynsha talap etý quqyqtaryn basqaǵa berýdi jáne shart talaptarynyń ózgerýi nátıjesinde aýyrtpalyqtardyń ózgerýin tirkeý múmkindigin iske asyrdy. Buǵan qosa, turǵyn emes úı-jaılarmen kepildi tirkeý de qoljetimdi boldy.
Aıta keterligi, Blockchain tehnologıasy bankterdiń jyljymaıtyn múlikti kepilge alý arqyly nesıe berý kezindegi nesıelerdi onlaın rásimdeýdi jeńildetedi, shyǵyndardy azaıtady jáne ótinimderdi qaraý merzimderin qysqartady. Sonymen, Blockchain páterdi rásimdeý ýaqytyn 3 kúnnen 1 saǵatqa deıin qysqartty.