2023 jyldyń sońyna deıin Túrksib aýdanyndaǵy Qaırat yqshamaýdanda memlekettik balabaqshanyń qurylysyn aıaqtaý josparlanyp otyr
Túrksib aýdanynda halyq sanynyń ósýi jáne turǵyn úı qurylysynyń belsendi júrýine baılanysty áleýmettik ınfraqurylym nysandaryna degen qajettilik artýda. ÓKQ brıfıńinde aýdan ákimi Baqytjan Aqjarov jaqyn arada qandaı jańa áleýmettik nysandar paıda bolatynyn jáne qaısysy paıdalanýǵa berilgenin málimdedi, dep habarlaıdy almaty-akshamy.kz.
Mektepterdegi oryn tapshylyǵyn azaıtý úshin bıyl 1 qyrkúıekten bastap "Qaırat" shaǵyn aýdanynda 1500 oryndyq №211 jańa mektep-gımnazıasy paıdalanýǵa berildi. Sondaı-aq, №59 mektep-gımnazıasynyń ǵımaratynda qoldanystaǵy ǵımaratty seısmıkalyq kúsheıtý jáne 300 oryndyq keńeıtý men qaıta jańartý júrgizilýde.
«2023 jyldyń jeltoqsan aıynda 450 oryndyq №195 mekteptiń qurylysy bastaldy. Sondaı-aq, 600 oryndyq №198 mektepke qosymsha salý, №83 gımnazıa fılıalyn qaıta jańartý jáne №50 mektep ǵımaratyn seısmıkalyq kúsheıtý jumystary da jobalanýda», - dedi B.Aqjarov.
Budan bólek, stýdentterdi kásiptik bilimmen qamtýdy keńeıtý úshin 2024 jyldyń I toqsanynda Almaty telekomýnıkasıa jáne mashına jasaý kolejiniń qurylysyna qoldanystaǵy ǵımarattardy buza otyryp, jobalyq-smetalyq qujattama ázirleý aıaqtalady.
2023 jyldyń sońyna deıin "Qaırat" shaǵyn aýdanynda 260 oryndyq memlekettik balabaqshanyń qurylysy aıaqtalady.
Sonymen qatar, Álmerek shaǵyn aýdanynda 320 oryndyq balabaqsha salý josparlanýda. Jer telimin alynǵannan keıin, 2024 jyldyń I toqsanynda jobalyq-smetalyq qujattamany ázirleýge konkýrs jarıalanady.
Al osy jyldyń sońyna deıin "Nurshashqan" shaǵyn aýdanynda 100 kelýshige arnalǵan jańa dárigerlik ambýlatorıa salynady. Kelesi jyldyń birinshi toqsanynda Aıbasov kóshesi boıynsha 200 kelýshige arnalǵan ambýlatorıa qurylysy aıaqtalady.
«2024 jyldyń birinshi toqsanynda "Qaırat" shaǵyn aýdanynda 340 kelýshige arnalǵan emhana qurylysynyń jobalyq-smetalyq qujattamasyn ázirleýdi aıaqtaý, jáne «RV-90»-da 200 kelýshige arnalǵan otbasylyq dárigerlik ambýlatorıaǵa memlekettik saraptamanyń shyǵýyn aıaqtaý josparlanýda», - dedi Túrksib aýdanynyń ákimi.
"Álmerek" shaǵyn aýdanynyń turǵyndaryna medısınalyq qyzmet kórsetý úshin 200 kelýshige arnalǵan otbasylyq dárigerlik ambýlatorıa salý josparlanǵan. Jer telimi alynǵannan keıin jobalyq-smetalyq qujattamany ázirleýge konkýrs jarıalanady.
Sonymen qatar, áleýmettik jáne sport nysandaryna «qadamdyq qoljetimdilikti» qamtamasyz etý úshin 2024 jyldyń I toqsanynda "Jas Qanat" shaǵyn aýdanynda ótkizý qabileti bir aýysymda 149 kelýshini quraıtyn dene shynyqtyrý-saýyqtyrý keshenin ashý josparlanýda. 2024 jyldyń aqpan aıynda aıaqtalý merzimimen Maılın kóshesi boıyndaǵy dene shynyqtyrý-saýyqtyrý kesheniniń qurylysyna jobalyq-smetalyq qujattama ázirlenýde.