Halyqaralyq pándik olımpıadalarǵa barlyǵy 500-den astam qazaqstandyq oqýshy qatysty.
Olar el qorjynyna 26 altyn, 56 kúmis, 122 qola medal ákelgen, dep habarlaıdy Almaty-akshamy.kz Elorda.info-ǵa silteme jasap.
«Oqýshylar 200-den astam medal jeńip aldy. Bul árbir ekinshi oqýshymyzdyń medal jeńip alǵanyn bildiredi. Bizdiń balalarymyz júzden astam eldiń jasóspirimderimen synǵa túsip, úzdik nátıje kórsetti. Olar ulttyq quramaǵa enip, IMO, IPhO, IBO, IOL, IchO jáne t.b. basqa da halyqaralyq olımpıadalarǵa qatysýǵa múmkindik alady. Qazir balalarymyz eń bedeldi pándik olımpıadalarǵa qatysyp jatyr. Oqýshylarymyz osy olımpıadalarda júldeli oryndarǵa ıe bolsa, aqshalaı syılyqtar men qazaqstandyq ýnıversıtetterde oqý úshin granttarǵa ıe bolady», - dedi Mektepke deıingi jáne orta bilim komıtetiniń tóraıymy Gúlmıra Kárimova.
Eske sala keteıik, bıyl Prezıdenttiń tapsyrma boıynsha daryndy balalardy qoldaý maqsatynda halyqaralyq zıatkerlik olımpıadalardyń jeńimpazdary qazaqstandyq JOO-da bilim alý úshin aqshalaı syılyqtar men granttarǵa ıe bolady. Altyn medal alǵan oqýshyǵa 1 500 AEK, kúmis medalǵa 1 000 AEK, qola medalǵa 500 AEK kóleminde aqshalaı syılyq beriledi. Sonymen qatar oqýshylardy baıqaýǵa daıyndaǵan ustazdarǵa da birjolǵy syıaqy tólenedi.