Birneshe jekemenshik ýnıversıtette baǵa kóterildi.
QR Ǵylym jáne joǵary bilim mınıstri Saıasat Nurbek memlekettik joǵary oqý oryndaryndaǵy bilim alý aqysy udaıy baqylaýda bolatynyn aıtty, dep habarlaıdy Almaty-akshamy.kz
Mınıstrdiń aıtýynsha, bıyl memlekettik jáne ulttyq ýnıversıetterde oqý aqysy byltyrǵy oqý jylynyń deńgeıinde qalady.
«Aqyly oqýdyń baǵasy – kóp adamdardyń kókeıinde júrgen másele. Birneshe joǵary oqý orny, ásirese, batys óńirlerde baǵany kóterdi. Birinshiden, bular – jekemenshik joǵary oqý oryndary. Ekinshiden, buǵan deıin birneshe jyl oqý baǵasyn kóterýge moratorıı bolǵan. Sol moratorıı merziminiń aıaqtalýyn kútip-kútip, qazir biraz kótere bastady. Biraq biz bıyl máseleni túsinip otyrmyz. Qazirgi tańda áleýmettik-ekonomıkalyq jaǵdaı qıyn bir kezeńge tap kelip tur. Geosaıası máseleler bar, baǵalar kóterilip kele jatyr. Sondyqtan memlekettik, ulttyq joǵary oqý oryndarynda shákirtaqy tólemaqylary kóterilmeıdi», - dedi vedomstvo basshysy.
Mınıstr memlekettik joǵary oqý oryndaryndaǵy bilim alý aqysy udaıy baqylaýda bolatynyn aıtty.
«Ony bizdiń mınıstrlik baqylaýda ustaıtynyn naqty aıta alam. Birneshe jekemenshik ýnıversıtette baǵa kóterildi. Biraq memlekettik ýnıversıetterde baǵany bıyl kótermeımiz. Iaǵnı, byltyrǵy oqý jylyndaǵy deńgeımen qalady», - dedi Saıasat Nurbek.