QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» Joldaýynda Qazaqstan halqynyń ál-aýqatyn arttyrýdyń negizgi basymdyqtary aıqyndaldy. Memleket basshysynyń eń mańyzdy jáne naqty tapsyrmalary, eń aldymen, halyqtyń ál-aýqatyn jaqsartýǵa ǵana emes, sonymen qatar, buǵan yqpal etetin salalarǵa, atap aıtqanda, bilim berýge baǵyttalǵan. Joldaýda Prezıdent bilim sapasyn jaqsartý joldary men muǵalimderdi qoldaýǵa erekshe toqtaldy.
Memleket basshysynyń bul baǵyttaǵy saıasatyn Qazaqstan Respýblıkasynyń Bilim jáne ǵylym mınıstri Asqat Aımaǵambetov belsendi qoldaýda. Qazirdiń ózinde pedagogıkalyq qyzmetkerlerdi ǵana emes, stýdentterdi de jigerlendiretin naqty is-sharalar qabyldandy. Mınıstr Prezıdentimizdiń memlekettik ýnıversıtetter qyzmetkerleriniń jalaqysyn kóterý týraly sheshiminiń mańyzdylyǵyn birneshe ret atap ótti. Bul tapsyrma Abaı ýnıversıtetinde de júzege asyrylyp, oqytýshylardyń jalaqysy aıtarlyqtaı ósti.
Qazirgi jahandyq ózgerister kezeńinde joǵary oqý ornynyń túleginiń bilimi eńbek naryǵyna shyqqanǵa deıin jetkiliksiz bolyp qalýy múmkin. Sondyqtan mınıstrlik pen joǵary oqý oryndarynyń aldynda oqý baǵdarlamalaryn jańa talapqa beıimdeý mindeti tur. Elge jigerli jáne bilikti mamandar qajet. Muǵalimderdiń sıfrlyq saýattylyǵyn arttyrý, orta bilim berý mekemeleriniń basshylarymen tyǵyz baılanys ornatý, biliktilikti arttyrý kýrstaryn qurý boıynsha jumystar jańa baǵyt aldy. Birqatar qyzyqty jobalar ázirlenip, júzege asyrylýda. Bul baǵytta Abaı atyndaǵy QazUPÝ da júıeli jumystardy qolǵa alyp, kirisip te ketti.
Osylaısha, «Sıfrlyq muǵalim» jobasy aıasynda ýnıversıtettiń oqytýshylary jańa oqý jylyna arnalǵan biliktilikti arttyrý kýrstarynan jáne arnaıy daıyndyqtan ótti. QazUPÝ mamandarynyń jáne Almaty oblysynyń bilim basqarmasy men Qarasaı aýdany bilim bóliminiń basshylyǵynyń qatysýymen orta bilim berý uıymdarynyń basshylary úshin «Mekteptegi kóshbasshylyq jáne tıimdi basqarý» biliktilikti arttyrý kýrsy júrgizildi. Kýrs barsynda bilim salasyndaǵy kóshbasshylyq teorıalar men zertteý ádisteri, jalpy bilim beretin mektepti basqarýdyń birinshi jylynda kezdesetin qıyndyqtar, Qazaqstan bilim júıesindegi shaǵyn zertteýler, bilim salasyndaǵy ózgeristerdiń mektep deńgeıinde ornyǵýdyń negizgi kezeńderi: ár kezeńdegi mektep dırektorynyń áreketi, HHİ ǵasyr mektep dırektorynyń rólderi sıaqty ózekti taqyryptar keńinen talqylandy.
Jyl saıyn 50 myń mektep túlegi joǵary oqý oryndaryna aqyly negizde túsedi. Oǵan ýnıversıtet tarapynan áleýmettik qoldaý kórsetiledi. Sebebi, stýdentterdiń jartysynan astamy – az qamtylǵan otbasylardan shyqqan stýdentter. Árıne, barlyq bilim alýshylar bul jańalyqty qýana qabyldady. Aǵymdaǵy jyldyń qyrkúıeginen bastap Prezıdenttiń tapsyrmasyn jáne Nur Otan partıasynyń saılaýaldy baǵdarlamasyn iske asyrý aıasynda bakalavrlar shákirtaqysy 20%-ǵa, magıstranttar men doktoranttardyń shákirtaqysy 15%-ǵa artty.