İİM mektepterde jol qozǵalysy erejeleri boıynsha mindetti sabaqtar engizýdi usyndy, dep habarlaıdy aqshamnews.kz
Qazaqstan İshki ister mınıstrliginiń Ákimshilik polısıa komıtetiniń tóraǵasy Qaısar Sultanbaev eldegi jol-kólik apattarynan bolatyn ólim-jitimdi qalaı azaıtýǵa bolatynyn aıtyp berdi. Onyń aıtýynsha, Qazaqstanda basqa eldermen salystyrǵanda balalarǵa jol qozǵalysy erejeleri jetkilikti úıretilmeıdi.
«İshki ister mınıstrligi mektep baǵdarlamalarynda jol erejeleri boıynsha sabaqtardy jeke mindetti pán retinde engizýdi usynady. Mundaı sabaqtar arqyly joldarda zańǵa baǵynatyn minez-qulyq normalaryn sińirip, ózi júrgizýshi bolǵan kezge deıin eseıgen saıyn jol qaýipsizdigine jaǵymdy áser etedi», - dedi spıker.
ÁPK basshysy jyl basynan beri jol-kólik apattarynda 176 bala qaza bolǵanyn habarlady.
"Zardap shekken balalardyń jartysynan astamy jolaýshy retinde qaıtys bolǵan. Qalǵany – jaıaý júrginshi, velosıpedshi, samokat jáne moped júrgizýshisi. Kóp jaǵdaıda qaza bolǵan balalar eresekter tarapynan tasymaldaý kezinde kólik ishinde balaǵa arnalǵan qaýipsizdik qurylǵylaryn nemese qaýipsizdik beldikterin qoldanbaǵan", deıdi Qaısar Sultanbaev.