Qarsy betke shyǵyp ketkender úshin de jaza aýyrlaı tústi
Qazaqstanda jol erejesin buzǵandar úshin aıyppuldyń jańa túrleri paıda bolady. Ádilet mınıstrligi “Qazaqstan Respýblıkasynyń Ákimshilik quqyqbuzýshylyq týraly kodeksine ózgerister men tolyqtyrýlar engizý týraly” zań jobasyn ázirledi, dep habarlaıdy Almaty-akshamy.kz.
Jańa zańǵa sáıkes, endi jyldamdyqty saǵatyna 40-tan 80 shaqyrymǵa deıin arttyrǵan júrgizýshilerge 20 AEK (69 000 teńge) aıyppul qarastyrylǵan. Al qozǵalys jyldamdyǵyn 80-nen nemese odan da artyq asyrsańyz, 60 AEK (207 000 teńge) mólsherinde aıyppul tóleýge mindettelesiz.
Sondaı-aq 593-bapqa da ózgerister engizildi. Iaǵnı, qaýipsizdik beldigin taqpaǵandar, motoshlemsiz júrgender, jolaýshylardy avtokólik kabınasynan tys jerde tasymaldaǵandar 10 AEK (34 500 teńge) kóleminde aıyppul tóleıdi.
Sondaı-aq qarsy betke shyǵyp ketkender úshin de jaza aýyrlaı tústi. Olarǵa jol erejesin buzǵany úshin 30 AEK (103 500 tenge) qarastyrylǵan.