17 maýsymda Almaty qalasy boıynsha monopolıaǵa qarsy departament «Ksell» AQ men «Mobaıl Telekom-Servıs» JSHS-ǵa qatysty monopolıalyq joǵary baǵa belgileý boıynsha tergeý bastady, dep habarlaıdy Almaty-akshamy.kz.
«Ksell» AQ-ǵa qatysty: Azamattardyń uıaly baılanys operatorlarynyń baǵa ósimine jıi júginýine baılanysty Básekelestikti qorǵaý jáne damytý agenttigi 2020-2021 jyldary uıaly baılanys jáne mobıldi ınternet qyzmetteriniń tarıfterin taldady. Quramyna «Ksell» AQ jáne «Mobaıl Telekom-Servıs» JSHS kiretin «Qazaqtelekom»AQ tobynyń (35% astam) ústem jaǵdaıy anyqtaldy.
«Ksell» AQ taldaý kezeńinde uıaly baılanys (orta eseppen 756 teńge) jáne mobıldi ınternet (orta eseppen 1765 teńge) qyzmetterine eń joǵary baǵa belgiledi.
Mysaly, birqatar operatorlarda uıaly baılanys qyzmetterine eń tómengi baǵa orta eseppen 332 teńgeni, mobıldi ınternet qyzmetterine - orta eseppen 1022 teńgeni qurady.
Monopolıaǵa qarsy zańnamany buzý belgileriniń anyqtalýyna baılanysty, uıaly baılanys jáne ınternet qyzmetterine monopolıalyq joǵary baǵalardy belgileý belgileri boıynsha «Ksell» AQ-ǵa qatysty tergep-tekserý bastaldy.
«Mobaıl Telekom-Servıs» JSHS-ǵa qatysty: 2020-2021 jyldary SMS-taratý qyzmetteri naryǵyndaǵy baǵa monıtorıńiniń qorytyndysy boıynsha Agenttik basqa baılanys operatorlarymen salystyrǵanda «Mobaıl Telekom-Servıs» JSHS-nyń baǵa ósirgenin anyqtady.
Baılanys operatorlary 2021 jyly 2020 jylmen salystyrǵanda SMS-taratý tarıfterin orta eseppen 14,03%-ǵa arttyrǵan.
Bul rette, eń joǵary ortasha baǵa «Qazaqtelekom» AQ tobyna kiretin «Mobaıl Telekom-Servıs» JSHS-da jáne «KaR-Tel» JSHS-men salystyrǵanda «Ksell» AQ operatorlarynda tirkeldi.
Baǵanyń eń joǵary ósim qarqyny «Mobaıl Telekom-Servıs» JSHS men «Ksell» AQ-da tirkeldi.
SMS-taratý qyzmetine monopolıalyq joǵary baǵa belgileý belgileri boıynsha «Mobaıl Telekom-Servıs» JSHS qatysty tergep-tekserý bastaldy.