Aýksıon 21 jer qoınaýy ýchaskesi boıynsha ótkizilgen
2022 jylǵy 31 tamyzda kómirsýtekter boıynsha jer qoınaýyn paıdalaný quqyǵyn berý jónindegi kezekti elektrondyq aýksıon qorytyndylary shyqty, aýksıon 2022 jylǵy 22 shildede ótkizilgen bolatyn, dep habarlaıdy Almaty-akshamy.kz QR Energetıka mınıstrliginiń baspasóz qyzmetine silteme jasap.
Zańnamaǵa sáıkes jeńimpazdar túpkilikti qol qoıý bonýsyn tólegennen keıin elektrondyq aýksıon qorytyndylary shyǵarylady.
Esterińizge sala keteıik, aýksıon 21 jer qoınaýy ýchaskesi boıynsha ótkizilgen bolatyn, 18 jer qoınaýy ýchaskesi boıynsha jeńimpazdar anyqtaldy, al zańnamada belgilengen merzimde qol qoıý bonýsy tólenbegen 3 jer qoınaýy ýchaskesi kelesi aýksıonǵa qaıta shyǵarylady («Jer qoınaýy jáne jer qoınaýyn paıdalaný týraly» QR Kodeksiniń 100-babynyń 5-tarmaǵy).
18 jer qoınaýy ýchaskesi boıynsha bastapqy qol qoıý bonýsynyń somasy 1,7 mlrd teńgeni qurady.
«Aýksıon qorytyndylary boıynsha el búdjetine tólengen qol qoıý bonýsynyń jalpy somasy 11,9 mlrd.teńgeni qurady, bul buryn ótkizilgen barlyq elektrondyq aýksıondardyń qorytyndylary boıynsha eń joǵary soma bolyp tabylady»,-delingen habarlamada.
Osy ýchaskeler boıynsha geologıalyq barlaýǵa ınvestısıalardyń eń az somasy 20,0 mlrd teńgeni quraıtyn bolady.