Jumys toby qurylady
Memleket basshysy Qasym-Jomart Toqaev Prezıdenttiń İs Basqarmasyna jeti qazynanyń biri – qazaqy tazy men tóbet tuqymdaryn saqtaý jumysyn qolǵa alýdy tapsyrdy, dep habarlaıdy Almaty-akshamy.kz QazAqparat-qa silteme jasap.
Osyǵan oraı Qazaqstan Respýblıkasy Prezıdentiniń İs Basqarýshysy Aıbek Dádebaev bul jumysqa tartylǵan jáne múddeli taraptardyńqatysýymen jıyn ótkizdi.
Basqosýda qazir tazy men tóbet tuqymynyń tazalyǵyn saqtaý isi syn kótermeıtini aıtyldy. Jumys júıeli júrgizilmegen.
Jıyn qorytyndysy boıynsha Premer-Mınıstr keńsesiniń, Ekologıa, geologıa jáne tabıǵı resýrstar mınıstrliginiń, Aýyl sharýashylyǵy mınıstrliginiń, Ǵylym jáne joǵary bilim mınıstrliginiń, Prezıdenttiń İs Basqarmasy janyndaǵy Parlamentarızm ınstıtýtynyń, sondaı-aq «Qansonar» respýblıkalyq qaýymdastyǵynyń ókilderinen jasaqtalǵan jumys tobyn qurý týraly sheshim qabyldandy.
Jumys toby Qazaqstannyń barlyq aımaqtarynda taza qandy tazy men tóbettiń genofondyn ǵylymı zertteýdi nysanalyqarjylandyrý múmkindikterin taýyp, memlekettik qoldaý túrlerin qarastyrýǵa tıis.
Sondaı-aq saqtaý jáne qalpyna keltirý boıynsha zańnamalyq normalar paketin ázirleýi kerek.
Halyqaralyq kınologıalyq ortalyqta (FCI) tazy men tóbettiń shyqqan eli retinde Qazaqstandy kórsetý de másele bolyp otyr.
Prezıdent nusqaýy boıynsha bul jumysqa – QR Syrtqy ister mınıstrligi, al jeti qazynanyń biri sanalatyn ulttyq baılyǵymyzdy túrli sharalar arqyly nasıhattaýǵa – QR Mádenıet jáne sport mınıstrligi qoldaý kórsetýge tıis.