Aptap ystyq bolyp, qatty jel turady
Elimizdiń 12 oblysynda daýyldy eskertý jarıalandy. Bul aqparatty "Qazgıdromet" RMK taratty, dep habarlaıdy Almaty-akshamy.kz.
Kúndiz Batys Qazaqstan oblysynda ońtústik-batystan, ońtústikten jel soǵady, kúndiz oblystyń ońtústik-shyǵysynda soqqan jeldiń ekpini 15-20 m/s jetedi.
Qaraǵandy oblysynyń ońtústiginde, shyǵysynda jáne ortalyǵynda 35 gradýs qatty ystyq bolady dep kútiledi.
Kúndiz Ulytaý oblysynyń da basym bóliginde qatty ystyq bolady: +35...+38°.
Kúndiz Aqmola oblysynyń soltústik jartysynda ońtústik-batystan, batystan 15-20 m/s jyldamdyqpen jel soǵady.
Qyzylorda oblysynyń basym bóliginde tótenshe órt qaýpi saqtalady. Qyzylordada da tótenshe órt qaýpi saqtalady.
Kúndiz Atyraý oblysynda synap baǵany 39 gradýsqa deıin kóteriledi. Oblystyń batysy men ońtústiginde tótenshe órt qaýpi saqtalady. Atyraýda kúndiz 38 gradýs qatty ystyq bolady.
Abaı oblysynyń ońtústiginde tótenshe órt qaýpi saqtalady.
Túnde Aqtóbe oblysynyń batysynda ońtústik-batystan, ońtústikten 15 m/s jyldamdyqpen jel soǵady, kúndiz oblystyń basym bóliginde qatty ystyq bolady:+35...+38°. Oblystyń basym bóliginde tótenshe órt qaýpi saqtalady. Aqtóbede kúndiz qatty ystyq bolady: +33...+36°.
Kúndiz Pavlodar oblysynyń soltústiginde naızaǵaı oınaıdy dep kútiledi. Batystan 15-20 m/s jyldamdyqpen jel soǵady.
Kúndiz Qostanaı oblysynyń batysynda naızaǵaı oınaıdy dep kútiledi. Ońtústik-batystan, batystan jel soǵady, kúndiz oblystyń batysynda soqqan jeldiń ekpini 15-20 m/s jetedi, kúndiz oblystyń basym bóliginde 37 gradýsqa deıin qatty ystyq bolady dep kútiledi, oblystyń ortalyǵy men ońtústiginde joǵary órt qaýpi saqtalady. Qostanaıda kúndiz 35 gradýs ystyq bolady.
Kúndiz Soltústik Qazaqstan oblysynyń soltústiginde naızaǵaı oınaıdy. Ońtústik-batystan, batystan jel soǵady, kúndiz oblystyń soltústiginde, ońtústiginde, shyǵysynda kúshi –15-20, ekpini – 23 m/s. Petropavl qalasynda kúndiz ońtústik-batystan, batystan jel soǵady, kúshi – 15-20, ekpini – 23 m/s-qa jetedi.
Kúndiz Jetisý oblysynyń shyǵysynda soltústik-shyǵystan 15-20 m/s jyldamdyqpen jel soǵady.